hager
عدد الرسائل : 27 تاريخ التسجيل : 29/05/2013
| موضوع: رمضـان السنه دى احلى معانا .. الأربعاء يونيو 05, 2013 12:43 am | |
| السلام عليكم ورحمة الله وبركاته اخواتي الحبيبات كل عام وانتم الى الله اقرب وعلى طاعته أدوم
برنامــــــــــــــــــــــج رمضـان ..
بيتنا ... في رمضان .. فرحـــــــــان
تنضيف .. تزيين .. تجديد .. ترتيب يوفر وقتنا .. ويحلي حياتنا
لازم باذن الله يشرف رمضان ضيفنا الغالي وبيوتنا بتشع بالفرحة والنظافة وفي احلى زينة وابهى منظر
وفي ليلة الرؤية باذن الله تكون بيوتنا كلنا عروسة في كامل زينتها وباذن الله نشجع بعض اننا نحافظ عليها طووووول الشهر
والخطــــــــــــة باذن الله
التنضيف نبتدي حملة تنظيف عميق العميق من النهاردة لكل فتفوتة في البيت باذن الله الدواليب والحيطان والمطبخ و كل كل ال يخطر ببالكم
الزيــــــــنة
بكل الاجواء الرمضانية من قماش الخيامية للبخور و السبح و زينة رمضان
التجديد
باذن الله هنعمل لمسات تجديد للبيت بهدف ادخال السرور على قلوب اسرتنا ونعيشهم الفرحة وباذن الله في حدود الميزانية و بشطارة احلى البنوتات و كله يجدد على الاقل خالص خالص هنغير نظام البيت ونعيش فرحة التغيير
الركن الرمضاني .. جمال وكمان توفير في الوقت باذن الله نوفر في كل مكان الركن الرمضاني في وفيه كل الاحتياجات لسهولة الوصول ليها وتوفير الوقت كمان
مش بس كدة لا .. احنا كمان باذن الله هنزين عمارتنا و لو نقدر نزين كمان شارعنا
برنامـــــــــج
بنك الافكار جهزي النهاردة وارتاحي ووفري وقتك بكرة
اللحظة في رمضان ممكن تساوي عمر بحاله ... لحظة ممكن يتحقق فيها كل الاحلام لحظة تنولي فيها رضا ربنا وتكتبي فيها من السعداء ينظر لك الله فيقول لك رضيت عنك
تفتكري يكون من العقل نضحي مش بلحظات ولكن ساعات طويلة في مكالمات او شات او طبخات ؟؟؟
هدف خطتنا
تجميع كل الافكار العملية باذن الله ال هتحافظ على كل ثانية وكل لحظة في شهر الطاعات
الخـــــــــــــــطة العملية
1- خطة لانهاء كل المشتريات قبل شهر رمضان باذن الله - مع هدف التوفير رحمة بحال البلد
2- شراء ملابس العيــــــــــــــــــد قبل دخول رمضان وياريت كمان كحك العيد
3- انهاء كل التجهيزات المطبخية لتوفير الوقت من تفريز و اكلات نصف مجهزة
4- تجميع كل افكار الاكلات والمشروبات الرمضانية و وقائمة يومية بالافطار و وقائمة العزومات وكل الافكار الموفرة للوقت والميزانية باذن الله
برنامـــــــــج الهدايا والتوزيعات الرمضانية
وهي الهدايا ال باذن الله هنجهزها السنة دي لادخال السرور وفرحة الشهر الكريم على قلوب الاحبة والاهل والجيران
عاوزين رمضان السنادى يكون اجمل بالطاعات ..
الصلاه والقيام والسحور .. ربنا يبلغنا رمضان يارب ..
استحلفكم بأن تدعو لابي بالرحمه .. وان يشفى أمـى وابنى شفاء لا يغادر سقمـا ..
اللهم بلغنا رمضان ..
| |
|